啱啱返到屋企 電視就講緊D呃人招式

咁啱講緊既其中一間就係葵芳某廣場3樓某間眼鏡舖

狼死到搶人副眼鏡 迫人買眼鏡個D賤招

小弟亦曾經領略過 好彩自己甩身快 也興幸佢攔唔住我俾我走 如果唔係...

電視都賣埋出黎 好心快D收佢檔la

要解決問題A 以為先解決B便可

很簡單

但發覺A B 中間還扣着個C

...

一環扣一環

苦惱

返工個度 好不幸個位肥阿姐又坐係我隔離

繼續分享佢既故事

真係新奇野一單接一單

據佢所講 佢公司多左位新同事黎

個新同事問佢借左枝鉛芯筆 用完之後還番俾佢

佢發覺人地用晒佢枝芯 跟著懶係有機心咁話 人地暗示話佢唔係黑心(黑芯)咁喎

凸......救命 故仔講極都有 仲要成日拎住個死人袋係我面前 fing fing 貢

............

............

話說今晚返工 打打下電話個陣 無啦啦坐我隔離個阿姐拍一拍我

大大聲咁話 "你咪xxx, 係喇係喇, 唔怪得咁熟口面啦!" (俾埋個大聲公你好唔好 懶係熟咁)

坐我周圍個 d 多數都望過黎 好似想睇下邊個叫 xxx 咁犀利

之前坐過佢隔離個陣我都覺得佢 short short 地架喇

個樣又咩咩地 總之就頂佢唔順啦 成日煩 q 住晒

跟住佢一路借 d 意同我講番佢個 "痴線婆的故事"

不斷張牙舞爪 口水花四濺 好似表演緊咁 講番佢另外一份工有個痴線婆迫害佢經過

佢又話俾人淋泥 (都唔知係咪泥) 又話俾人界爛 d 袋呀呢樣個樣

我無奈一路聽住 一路做野 (其實都唔知係咪講緊自己烚人既經過 我心諗 真係咁誇就晨早劈炮啦)

佢係咁話個陣好鬼驚 又唔知佢個樣既表情加埋佢迫真既演技 深深嚇怕我呢個年輕人

係咁講 係咁攞周圍 d "道具"起勢 fing (我覺得佢似心理唔平衡個類多 d 囉)

如果唔係差唔多夠鐘收工 佢越講越激動 我都唔知幾驚就此成為左翻版秋葉原事件既犠牲者

阿彌陀佛 好在仲無穿無爛...